Намирници богати со железо

Железото е еден од најважните нутриенти за имунитетот кај човекот. Затоа, треба да се грижиме правилно да се ресорбира во организмот преку нашата исхрана за да не дојдеме во ситуација кога вештачки и по пат на суплементи во исхраната ќе треба да го поправиме нивото на железото.

Железо во исхраната е најзастапено во: житарки, месо, живина, мешункаст зеленчук, зрна, пченични никулци, лушпи од пченица,компир, жолчка, зелјест зеленчук, суво овошје, јаткасти плодови, цвекло, овошни сокови ( грозје, вишна, јаболко, брусница, дренки, шипки)

Како подобро да се апсорбира железото?

• Јадете сиров зеленчук и овошје богато со витамин Ц за време на оброкот кој содржи железо. Витаминот Ц значително ја подобрува апсорпцијата на железото во организмот.
• Употребата на свежо цеден сок пред оброк, исто така ја згоемува способноста на оргазнизмот да впие што поголема количина железо.
• Млечните продукти и другите намирници кои се богати со калциум, јадете ги одвоено од намирниците богати со железо, затоа што калциумот попречува при апсорпција на железото.
• Избегнувајте употреба на кофеински напитоци ( црно кафе, црн или зелен чај ), особено после оброк.
• Воочено е дека, припремата на оброците во чинии од лиено железо, донекаде ги збогатуваат намирниците со железо.
  

Овој, многу важен елемент за човековиот организам најчесто се наоѓа во следниве намирници:

• Мешунки ( грав, грашок , леќа )
• Јаткасти плодови ( ореви, бадеми, лешници )
• Компир
• Житарки од цело зрно ,а особено нивните никулци
• Семки од тиква
• Какао
• Јајца
• Месо
• Риба
  

Најдобрите резултати во борба против анемија ( слабокрвност ) покажале намирниците :

• Лук – свеж или тинктура
• Коприва – свежа, во облик на чај или капки
• Какао
• Мед,полен,матичен млеч,шумски мед
• Глуварче – лист, а може икорен
• Цвекло
• Капина
• Шипка
• Пелин
• Ореви
  

Потреби за железо

Бебиња и деца

• Бебиња помлади од 6 месеци: 0,27 мг/ дневно
• Од 7 месеци до една година : 11 мг/ дневно
• Од една до три години: 7 мг/ дневно
• Од четири до осум години: 10 мг/ дневно.

Извори на железо кои што не се од животинско потекло

• Спирулина ( 1 лажиче ): 5 мг
• Семки од тиква ( 30 гр. ) : 4,4 мг
• Киноа ( 120 гр. ): 4 мг
• Доматно пире ( 120 гр.): 3,9 мг
• Бел грав (1/2 шоља): 3,9 мг
• Готвен спанаќ ( 1/2 шоља): 3,2 мг
• Суви кајсии/праски ( 3 парчиња ): 3,1 мг
• Сок од суви сливи ( 240 гр.) : 3 мг
• Леќа ( 120 гр. ) : 3 мг