Wednesday, October 25, 2017

Како да ги препознаете скоковите во развој кај бебињата и како да ги пребродите

Вашето бебе одеднаш е поинакво. До вчера си имало еден ритам на цицање, спиење и однесување, но одеднаш, речиси преку ноќ, се е поинаку. Бебето бара да цица многу често, понекогаш на интервали од само 1 час, и изгледа дека е постојано гладно. До сега ако спиело мирно и подолги интервали ноќе, одеднаш се буди почесто и бара да цица повеќе и подолго. Покрај често доење, бебето е и понервозно, се смирува само во раце, и бара многу повеќе внимание.


Sunday, October 22, 2017

Како безбедно да ја надминете анемијата кај вашето бебе/дете?

Анемијата кај бебиња и мали деца не е баш ретка појава и затоа сметав дека е потребно да ја обработиме и оваа тема во еден текст. Анемијата се дефинира како состојба во која вообичаениот симптом е намален број на црвени крвни клетки или намалена количина на хемоглобин, но ова е само општа дефиниција а секако дека постојат многу причини (и видови) за анемија и тоа од генетски причини па до автоимуни состојби. Во овој тескт ќе се дискутира само за најчестата нутритивно поврзаната анемија, а тоа е железо-дефицитната анемија.


Wednesday, October 11, 2017

Есенски креативни мотиви во детските чинии

На почеток сме на најколоритното годишно време, кога сонцето порано заоѓа, а нас, сè уште нè држи мирисот на летото. Пред нас се денови кога ветрот и дождот ни носат постудена приказна, растечени носиња и по некоја кашлица заради вирус или бактерија. Есента носи волја за повеќе сон и повеќе тишина, но и поттик на родителите да подготват вкусен и топол оброк за своите најмили откако ќе се вратат од градинка, училиште или од прошетка.
Затоа, решивме да ја обоиме групата Здрава храна, Здрави деца! во есенска боја.

Monday, October 2, 2017

Органска храна за сите, секој ден – БИОкулт, Прв центар за органска и здрава храна

На рафтовите во БИОкулт ќе најдете преку 2000 производи, од житарки, ладно цедени масла, сирова и супер храна, органски мешунки, намази без конзерванси, чоколади , слатки без рафинирани шеќери, природни органски сокови, напитоци од житарки и јатки, храна за најмалите без адитиви, природна козметика без парабени, средства за домаќинство - еколошки без штетни хемикалии, безглутеински производи за сите преосетливи на глутен, се само дел од палетата на органски производи.

Sunday, September 24, 2017

Нови рецепти во апликацијата Бебе Готвач - Вкусни намази и рижото

Едни од најчестите прашања кои ги имаме за секојдневното мени е што вкусно и здраво да подготвиме за појадок или вечера на поголемите дечиња, а да е поразлично и примамливо за малите. Со што да ги замениме традиционалните намази кои ги има низ маркетите, но не се нималку здрави? 

Friday, September 1, 2017

Поддршка на доењето: „Од мајките кои дојат за мајките кои ќе дојат“ - Верица Андоновска

Приказната на Верица Андоновска

Оваа мајка доилка има зад себе долг доенички стаж и е голем поборник на доење, особено без заддршки и по барање на бебето. Ова е нејзината приказна во која има доста совети и искуство кои ќе им помогнат на мајките кои се на почетокот на доењето.


„Мајчиното млеко е најдобрата храна за бебето и доењето е оптимален начин да се нахрани бебето. За да се постигне оваа цел, на мајките им се потребни информации, учење и вештини. Затоа странава во која членуваме овозможува полесно да споделуваме, да добиваме одговори на прашања и да се поддржуваме меѓусебно. Сакам да дадам неколку совети на младите мајки-доилки и на идните мајки кои допрва ќе дојат.



Thursday, August 31, 2017

Градење на здрави прехранбени навики во семејството како значаен фактор за правилен раст и добро здравје кај децата

Корелацијата помеѓу животниот стил, начинот на исхрана и здравјето денес е научно докажан факт. Факт кој секојдневно го потврдуваме во пракса. Имаме достапни информации и можност за едукација, а науката за храна и правилна исхрана ни дава сигурност во изборот на прехрамбени намирници кои се неопходни за добро здравје, ментална и физичка благосостојба.


Tuesday, August 29, 2017

Нова препорака: ДА НЕ СЕ ДАВААТ овошни сокови на деца помали од една година

Сок. Многу луѓе го сметаат за здрав напиток, нешто што треба да биде дел од детската исхрана. Но по се изгледа дека воопшто не е здрав и неопходен и не треба да биде дел од детската исхрана. Всушност, Американската Асоцијација на Педијатри (AAP) штотуки излезе со препорака дека децата помали од една година воопшто не треба да пијат сок. Ова е голема промена, за разлика од претходните препораки, кои беа дека бебиња помали од 6 месеци не треба воопшто да пијат сок.

Дипл. нутриционист Маја Велковска, дел од екипата на Здрава храна, здрави деца!

Маја Велковска е дипломиран нутриционист. Својата едукација ја има завршено на технолошко-технички факултет – Велес, насока нутриционизам, како првенец на генерација. Има свој блог и Facebook група. Целта и е да да го едуцира населението за нутритивната вредност на храната, за правилен начин на исхрана со цел превенција на болести и одржување добра општа здравствена состојба, диетотерапија при одредени заболувања и состојби, исхрана на различни категории на граѓани (пример-деца, трудници, стари лица...)

Monday, August 21, 2017

Сирење - еден од најдобрите извори на калциум

Еден од минералите што најмногу го има во нашиот организам е калциумот. Тој е потребен за цврстината на коските и за здрави заби., а најдобар извор се млечните производи. Ако децата не консумираат доволна количина на сирење и јогурт секој ден, тогаш нема да можат да ја обезбедат потребната дневна  количина.



Во раното детство, од 2-4 години, децата имаат поголема потреба од оптимални количини на калциум во однос на доенечкиот период, а со возраста количините постепено се зголемуваат. 

Tuesday, August 15, 2017

Поддршка на доењето: „Од мајките кои дојат за мајките кои ќе дојат“ -Маги Самарџиевска


Приказната на Маги Самарџиевска

Секоја приказна има своја тежина. Најболни се за оние кои ја проживеале, доживеале, поминале, особено ако е од неуспешните, како што вели Маги. Но иако нејзината приказна не со долг доенички стаж, сепак е поучна. Маги вели дека сега ќе учи од грешките, а се надеваме и вие. Но под грешки во оваа приказна не се мисли на мајката туку на оние чија работа е да научат како да ги совладаме доеничките препреки кои Маги ги имала премногу. Ние и посакуваме следната доеничка приказна да е среќна и успешна, без потешкотии и тажни спомени. Со лесно Маги :) 

„Мојата приказна веднаш ке кажам не е од оние успешните..Но е доказ дека во животот не е се црно бело и дека работите некогаш заземаат поинаков тек, колку и да се трудиме и бориме со сите сили да ги насочиме онака како што сме замислиле и посакале. За да не бидам погрешно разбрана од која причина ја кажувам, уште на почетокот ке нагласам дека сум фанатичен поборник за доење и без исклучок го сметам за најприродна и најздрава храна за бебето кое мајката може да му ја овозможи. Чувството на љубов, топлина и специјалната поврзаност се бонусот во кој уживаат и мама и бебе. Нашата “доенечка”приказна полна солзи, крв и болка почна пред 3 години. 

Tuesday, August 8, 2017

Поддршка на доењето: „Од мајките кои дојат за мајките кои ќе дојат“ - Весна Ѓурковска Каеска

Приказната на Весна Ѓурковска Каеска


Советите и поддршката од стручните лица се многу важни, но доколку мајката нема самодоверба, доењето може да тргне на погрешен пат. Самодовербата е клучна кај една мајка. Таква е приказната на Весна. Таа во ниеден момент не се посомнева во себе и способноста да дои.

„ Многу да внимаваш да не фатиш маститис! Тоа е најстрашното и најболното искуство, кое може да заврши со хируршка интервенција! “
Вака, како ехо ми одекнуваа зборовите на најблиските непосредно пред денот на кој на свет го донесов мојот син.
И така започна една приказна на едно релативно долго дружење на тема доење и однос мајка доилка – бебе доенче. Беше природно, беше предизвик, но и болно. Болно, не заради рагади и крв на градите, болно не заради наводното постојано плачење на бебето и “ советите од страна “ дека немам млеко, туку од непроодни канали, грутки, преполнетост, хиперлактација.
Ако, мајките се плашат од меки гради за коие неправедно се мисли дека немаат млеко, јас се плашев од моите камења и тврди гради во кои имаше многу млеко! Дури и премногу!

Sunday, August 6, 2017

Поддршка на доењето: „Од мајките кои дојат за мајките кои ќе дојат“ - Симона Живкова

Приказната на Симона Живкова

Најтешко е кога мора сам да се соочиш со непознатото. Уште потешко е кога се работи за бебе. Но наша среќа што постојат стручни лица кои несебично одвојуваат од своето време да ни помогнат да ги совладаме препреките со кои се соочуваме како мајки. Таква е приказната на Симона:


Мајка доилка на дете од 2 години и 8 месеци. 

Во однос на доењето и сите мајчински работи почнав да истражувам веднаш одкако дознав дека сум бремена. Мојата преголема љубопитност ме однесе во една ,,Соба за доење,, уште на почетокот на мојата бременост. Таму прочитав многу инспиративни приказни, искуства, мајки борци и јас уште пред да родам бев решена и знаев дека моето бебе ке цица. Ова го кажувам поради тоа што секоја мајка која била цврсто убедена во тоа дека ке успее да дои, успеала. Всушност не количината на млекото, не совршените брадавици или којзнае какво искуство.... Првиот и најбитен услов за успешно доење е волјата на мајката.На мои 22 години со царски рез ја родив мојата царица.. Веднаш по раѓањето ми ја дадоа само да ја бакнам и ме префрлија во шок соба. Ќерка ми си ја видов после два дена. 



Поддршка на доењето: „Од мајките кои дојат за мајките кои ќе дојат“ - Билјана Димовски

Приказната на Билјана Димовски

Понекогаш целито тој период после породувањето е стресен и попратен со сите оние добро познати расположенија кои се менуваат во секунда. Тогаш можеби е уште потешко да се биде упорен и трпелив да се совлада вештината доење, но мајките се најсилните суштества на светот, па знаат дека и тоа ќе го издржат лавовски! Еве еден таков пример:

Прв пат станав мајка во 2008-ма година. Ги немаше овие групи за совети, а мислам дека на почетокот немав ни ФБ. Интересно е тоа што за време на целата бременост, ниеднаш не помислив на доењето, тоа некако се подразбираше само по себе, едноставно немав друга опција, не купив ни шишенца, за секој случај. Син ми се роди на 16.10. Многу лесно и брзо. Бидејќи во болницата во Битола, во родилната сала се два бокса еден до друг, одделени само со една прозирна завеса, само што ме средија, донесоа друга родилка. Син ми веќе на големо се дереше и им пречеше, па акушерката ми го стави на града, дури лежев на бокс. Првиот контакт-незаборавен! Благ шок, ми дојде како нешто неочекувано, зошто воопшто не се спремав за доење. 

Tuesday, August 1, 2017

Поддршка на доењето: „Од мајките кои дојат за мајките кои ќе дојат“ - Лени Џовани

Успешната доеничка приказна на Лени Џовани


Во овој пост ќе прочитате приказна која ќе ве наежи, разнежни и ќе ви даде сила, трпение и мотив да доите. До сега се посветивме на совети со доењето на едно бебе, но еве ви едно поразлично искуство на храбра мајка која дои две близначиња! Мајки, идни и сегашни, верувајте им на инстиктите како мама Leni Govani на чија упорност и желба да им го даде најдоброто на своите ангелчиња и се поклонуваме! БРАВО мамо!
 

„На 06.09.2013г. на свет ги донесов моите две ангелчиња Деана и Дарија. Како неискусна мајка првите 2 дена плачев во болница затоа што цицнуваа по неколку секунди и заспиваа.Третиот ден сфатив дека ми ги носат најадени со ад млеко и веднаш се побунив.Со често расправање и малтретирање персонал некако издржавме цели 8 дена (за мене цела вечност), но кога дојдовме дома се беше поинаку.

Monday, July 31, 2017

Поддршка на доењето: „Од мајките кои дојат за мајките кои ќе дојат“ - Ирина Наков

Успешната доеничка приказна на Ирина Наков


Секоја доеничка приказна е посебна, единствена, за некого лесна и успешна, за повеќето огромен и тежок предизвик, особено ако се соочувате сами, без помош. Таква е и приказната на Ирина Наков, која балгодарејќи на нејзината упорност, заврши успешно. 


„Читај, едуцирај се, спреми се на време, ќе ти треба“ – Зборовите на другарка ми Елена Петковска, која се породи 2 месеци пред мене. Но јас бев толку незаинтересирана и воопшто не помислував какво патешествие ме чека со доењето. Се зачленив во групата „Соба за доење“ на др. Јулија, но не се заинтересирав да почнам да читам.
Породуваањето ми беше стресно. Почнав природно, но за жал, на крајот се породив со царски рез. Бидејќи сум голем паничар инсистирав да биде со целосна анестезија. Одкако се разбудив скоро 3 дена бев на интензивна нега (немаа соби). За тоа време бебето си го видов само еднаш, во туѓи раце, во моментот кога се будев од анестезија. Ниту памтев како изгледа, ниту имав чувство дека сум родила и дека некој ме чека. Кога помислувам на овие моменти, не можам да си ги сопрам солзите...


Thursday, July 27, 2017

Поддршка на доењето- Светска недела на доењето

Светската недела на доењето која започнува на 1 август секаде низ светот се одбележува со корисни панели, дискусии, како и организација на работилници за едукација на идните мајки. Како група на мајки, кои ја водат ФБ групата Поддршка на доењето во која ни се приклучија советнички за доење, Даница Ивановска Лепојевиќ и Анастазија Терзијева Илиева и Женски центар Астарта ќе се приклучиме во одбележувањето на светската недела на доењето преку неколку активности кои ќе им користат на многу идни и сегашни мајки кои се на самиот почеток од доеничкиот стаж.

Monday, June 19, 2017

Како адаптираното млеко, кое е направено за вонредни ситуации стана секојдневна храна за бебиња

Текстот е превод на една една мајка, Gingi, која го напишала на својот блог. Бидејќи е доста интерсен и многу корисен решивме да го споделиме со вас. Ќе биде преведен како што е напишан, односно во прво лице. Се надеваме дека идните мајки ќе размислат пред да одлучат на кој начин ќе го хранат своето бебе особено заради фактите наведени во текстот.
***
Често сум прашувана од различни луѓе - од оние кои се навистина заинтересирани до провокатори - зошто вложуваш толку многу во наоѓање на млеко за своите деца, бидејќи не можеш сама да го создадеш! "Зошто едноставно не му дадеш на бебето формула?" "Дали мајките кои дојат те осудуваат дека си лоша мајка затоа што на своето дете нема да му дадеш мајчино млеко!
Веќе долго време сакам да го напишам своето мислење за адаптираното млеко но никако да најдам време. Делумно затоа што оваа тема е толку опширна. Толку многу што додека пишував сфатив дека морам да го поделам текстот во два дела. Првиот дел ќе биде посветен на историјата на адаптираното млеко, а вториот дел ќе биде за составот на адаптираното и мачиното млеко и ризиците и благодетите на хранењето исклучиво со формула.

Thursday, June 15, 2017

Поддршка на доењето, група за поддршка на мајки доилки

Денес, во ерата на електронската комуникација и безбројните мрежи за комуникација, да дојдеш до информација е многу лесно. Но, не секогаш знаеме која од нив е вистинската и правилната, посебно кога станува збор за здравјето. Најпопуларен и најприфатлив начин на комуникација особено кај мајките се многуте тематски групи на најголемата социјална мрежа Фејсбук. Поради овој факт, лесно се одлучивме да започнеме со една нова, малку поинаква група, а тоа е Поддршка на доењето.



Friday, June 9, 2017

Писмо од бебето до мајката - за доењето

Драга мамо,
Благодарам многу што ме доиш.
Веројатно веќе и самата знаеш колку е твоето млеко најдобро за мене. Уморна си, и малку лута, зошто грижата околу мене изгледа доста тешка. Пред да се откажеш, ќе се потрудам да ти го објаснам моето однесување. Може тогаш ќе се чувствуваш подобро.


Tuesday, April 4, 2017

Бебе Готвач- книга со рецепти за бебиња и деца, во продажба од 04.05

Првото издание на книгата Бебе Готвач веќе од 04.05. ќе биде во продажба.
Печатеното издание на првиот македонски готвач со рецепти за бебиња и деца од 6+ месеци има 350 рецепти, исто толку корисни совети, статии поврзани со дохраната и развојот на бебињата, совети како до успешно доење како и табели за дохрана.


Monday, April 3, 2017

Важноста нa правилно комбинирање на намирниците

Често поставувано прашање е како да ги комбинираме намирниците, особено кога станува збор за оброците на нашите деца. На оваа тема, која сите не интересира, разговаравме со нутриционистот Надица Илиевска. 


Saturday, April 1, 2017

Брусница 11+ месеци

Брусницата е грмушесто растение со црвени плодови. Потекнува од Северна Америка, каде домородците од дамнина ја користеле како храна, лек и во религиозни обреди. Поради нејзините својства заслужено се вбројува помеѓу најлековитите билки на светот. Брусницата е во форма на жбун и израснува од 10 до 40 cm. Има овални темнозелени листови, кои се поредени во парови и наименично. На врвовите на гранчињата висат во вид на гроздови, бели, а поретко црвенкасти поединечни цветови, кои имаат форма na sвончиња. При крајот на август и почетокот на септември, од цветовите настануваат прво бели плодови, а покасно тие добиваат црвена боја.

Friday, March 31, 2017

Цимет (Цејлонски цимет 6+ месеци)

Циметот е еден од најстарите   познати зачини, а се споменува дури и во Библијата. Поради своите лековити   својства долго време бил користен во различни медицински традиции во светот,   а модерните научни истражувања потврдиле дека навистина циметот има потивен   ефект кај многу болести. Оваа билка се споменува уште пред 2800 година   п.н.е. Во минатото циметот бил скап како златото. Постојат стотици видови и   подвидови на билката на циметот. Како зачин се користат два вида: цејлонски   цимет и цимет касија, исто така познат како кина-цимет кој потекнува од   Бурма. Во Европа се употребуваат и двата. 
Циметот е зачин кој се   добива од ниско дрво што личи на грмушка, а припаѓа на фамилијата ловори.   Кората на дрвото и листовите се ароматични, додека цветовите имаат непријатен   мирис. Младите гранки на дрвото се сечат и им се лупи кората, а внатрешната   кора се суши и се обликува во стапчиња со црвеникаво-кафена боја. Најмалите стапчиња   се вметнуваат во поголемите, а потоа подеднакво се сечат. Во денешно време,   ова дрво се одгледува скоро во сите тропски земји во светот.


Пченка (безглутенска житарка) 6+/11+ месеци

Пченка е навистина прекрасно растение. Расте брзо и неговите зрна се спремни за јадење дури и пред да бидат сосем зрели. Расте речиси "сам" - неговото одгледување не бара многу напор. Пченка потекнува од Јужна Америка, каде што се смета за божествено растение. Пченка содржи јаглехидрати, протеини, незаситени масти, витамини и бројни минерали (железо, фосфор, магнезиум, калиум). 

Wednesday, March 29, 2017

Киноа (безглутенска житарка)

Киноата е древна билка од Јужна Америка и е една од најстарите житарици во светот. Одгледува е на Андите уште пред 5000 години. Инките ја препознале оваа храна како извор на сила и издржливост и ја нарекле "злато на Инките" и "мајка на житариците". 
Киноата е богата со високо квалитетни протеини и ги содржи сите есенцијални амино киселини. Таа е особено богата со лизин, кој учествува во процесите на раст и зацелување на ткивото. 

Овес (глутенска житарка) 8+ месеци

Иако овесот денес се користи првенствено за добиток, во минатото имал големо значење во човечката исхрана.
Кинезите знаеле за овесот дури и пред илјадници години, а го користеле и старите Римјани други земји уште во античките времиња.

Денес, овесот се уште се користи во големи количини во Русија, Шкотска и Ирска. Познатата овесна каша е направен од овес кој се готви на многу ниски температури.
Овес се една од најпознатите житарки богата со хранливи состојки. Неговата калорична вредност е колку што е 400 калории на 100 грама.

Monday, March 27, 2017

Д-р. Александар Митов на тема: Дополнителна исхрана кај доенчето

Едно од поважните и потешки прашања кои ги мачат родителите, особено новите е кога е правилното време за започнување со дохрана? Од нашето искуство можеме да забележиме дека има многу голем број на родители кои се интересираат на темата, но има и такви кои не ги следат препораките на здравствените организации и матичните педијатри, па најчесто прават грешка како воведување цврста храна прерано и тоа во најголем број според сопствено убедување. 
На оваа тема го замоливме  д-р. Александар Митов да го сподели своето искуство и знаење. На многу детален начин добивме анализа на неколку релевантни, меѓународни и национални, официјални препораки за дополнителна исхрана на деца до 12 месечна возраст. 



Thursday, March 23, 2017

Дипл. нутриционист Надица Илиевска, дел од екипата на Здрава храна, здрави деца!


Надица Илиевска е еден од првите дипломирани нутриционисти во Македонија. Таа е инженер по прехрамбена технологија и нутриционизам, на Техничко-технолошки факултет Велес,  Универзитет Климент Охридски Битола. Тековно- Студент на Постдипломски студии по Нутриционизам при ТТФ-Велес УКЛО.

Таа е сопственик и работи како нутриционист - советувач во својата приватна ординација, советувалиште за здрава храна и исхрана, „Нутриционист Консалтинг“ во Скопје.

Надица Илиевска е стручна за одредување нутритивен статус и исхрана на здрава и заболена популација од сите возрасни групи. Стручна е за корекција на калориски внес и диетотерапија со посебни препораки на исхрана и одредување на индивидуален генотип и исхрана според крвни групи.

Надица го има спроведено повеќе стручни активности, меѓу кои и „Стручни предавања за школски деца во ОУ, во Општина Карпош-Скопје  во рамките на месец на детско здравје, на тема ХРАНА И ЗДРАВЈЕ”.

Sunday, March 19, 2017

Д-р. Александар Митов на тема: Здравствените проблеми од употреба на животински млека

Многупати зборувавме за употреба на животинско млеко во исхраната на доенчињата и децата, но оваа тема секогаш предизвикува реакции, особено кај родителите чии ставови се поделени бидејќи најчесто се добиваат различни совети од стручните лица.
Затоа  д-р. Александар Митов, новиот, стручен член на наша група Здрава храна, здрави деца во своето излагање на темата ќе даде научно издржани факти зашто и дали треба да се консумираат млеката од животинско потекло. Кои се придобивките, а кои негативните резулати од консумирање на кравјото млеко кое најчесто се дава на бебињата и децата.


Friday, March 3, 2017

Бебе готвач во емисијата Македонија денес на ТВ24

Во емисијата Македонија денес на ТВ24 разговаравме за апликацијата и книгата Бебе Готвач. Колку апликацијата Бебе Готвач е од помош на родителите и колку се задоволни корисниците од апликацијата, но и повеќе детали за книгата Бебе Готвач, може да погледнете на видеото:

Wednesday, February 22, 2017

Mлечните производи како важен дел од исхраната на бебињата и децата

Млечните производи се добар извор на енергија и протеини и содржат широк спектар на витамини и минерали, вклучувајќи и калциум, кој помага во растот на бебињата и децата и помага да се оформат здрави коски и заби.


Институтот за Јавно Здравје препорачува ексклузивно доење (давање на вашето бебе само мајчино или адаптирано млеко) во првите шест месеци од животот на бебето. Кравјото млеко не е соодветна замена за мајчино или адаптирано млеко.

Thursday, February 16, 2017

Три начини како да подготвите здрава храна за вашето дете

Овој текст ќе ви помогне правилно да ја подготвите храната за вашите деца.
Дознајте како може да подготвите вкусен и здрав оброк за вашето дете и да бидете сигурни дека тоа ќе ги добие сите хранливи материи кои му се потребни за да биде здраво и напредно.

Tuesday, February 14, 2017

Нов update и освежен изглед на апликацијата Бебе Готвач

Изминатиот период работевме на мигрирање и подобрување на работата на апликацијата Бебе Готвач. Во меѓувреме можевте да посведочите на некои неправилности во нејзиното работење кои повеќе нема да бидат пречка во секојдневното користење. Покрај ова, додадовме некои новитети кои ќе ви бидат од корист.


Sunday, February 12, 2017

Првиот македонски готвач со рецепти за бебиња и деца: Бебе Готвач

Пред точно една година и еден месец, го постиравме првиот пост во, сега веќе, добро позната и претпознатлива група, Здрава храна здрави деца!
Дека бевме сериозни и амбициозни да имаме едно поинакво катче докажува тоа што само за неколку месеци успеавме да придобиеме голем број на членови. Но дека ќе бидеме синоним кај родителите кога станува збор за здравата исхрана, принципиелноста, почитувањето на правила и пример како треба да изгледа една група, искрено, се надевавме, но не бевме сигурни дека ќе успееме.
Македонско традиционално тавче гравче како дел од рецептите во првиот готвач на македонски наменет за најмалите
(фотографија Марјан Петковски)

Wednesday, January 25, 2017

Д-р Александар Митов дел од екипата на Здрава храна, здрави деца!

До­ктор Але­ксан­дар Ми­тов е ма­ги­стер по јав­но здрав­ство. Дипломира медицина на Медицинскиот Факултет во Скопје како првенец на генерација. Магистрира Здравствена екологија на кипарскиот институт на Harvard School of Public Health, а подоцна завршува магистерски студии за политики за животна средина во Кембриџ, Велика Британија. Ова е повеќе од доволно за да можеме нескромно да кажеме дека сме горди што од денес д-р Митов е дел од екипата Здрава храна, здрави деца! чија цел е да се подигне свеста кога е во прашање здравата исхрана кај бебињата и децата.
Ќе пишува на разни теми кои најчесто предизвикуваат дилеми кај родителите и ќе одговара на прашања поврзани со темата. За да ве запознаеме со неговата работа и став ви одвоивме неколку одговори кои ги дал д-р Митов за некои од електронските медиуми.

Tuesday, January 10, 2017

Се околу почетокот на дохраната на децата: возбудливиот почеток на дохраната

Како да почнам со дохрана? Со што да почнам? Дали прво овошје или пак зеленчук ?

Ова се само првите прашања во низата безброј прашања на тема дохрана на бебињата што се среќаваат меѓу родителите. Сакајќи на своето бебе да му го пружат најдоброто, родителите прашуваат, се интересираат и се трудат да добијат што повеќе информации на кој начин да го започнат ова ново поглавје во животот на своето дете. Но, има и такви родители кои за жал, не прашуваат и не се интересираат на оваа тема и водејќи се по советите од своите родители, стрини, тетки, па и баби, почнуваат многу порано одошто навистина треба, честопати бираат многу алергени во исхраната и тоа во првите месеци на истата, воведуваат шеќер и сол многу побрзо, одошто е потребно и користат некои ’алтернативни ’  начини за хранење на бебето.


Со цел, да помогнеме на сите кои имаат недоумици на оваа тема, ќе напишеме нешто за почетоците и за постепеното воведување на храна кај бебето.

Monday, January 9, 2017

Се околу почетокот на дохраната на децата: алергии и алергени намирници

Дохрана на бебињата

Почетокот на дохрана не значи и престанок на доењето односно адаптираното млеко. Дохраната значи токму тоа што го кажува насловот: Додавање на некоја друга храна покрај мајчино или адаптирано млеко.

Воведувањето на дохрана е возбудлив дел од родителството. Често пати сме љубопитни, нестрпливи, а дури и престрашени... Како децата ќе ја прифатат новата храна со сите вкусови, коишто се разликуваат од мајчиното или АД млекото?

Thursday, January 5, 2017

Топ 15 здрави намирници за деца - 7. ЈАБОЛКО

Важна ужина која мора да се јаде во било каков облик.
Без разлика дали ќе изберете зелено, црвено или жолто јаболко, телото ќе биде благодарно за секој залак.

Wednesday, January 4, 2017

Топ 15 здрави намирници за деца - 6. ЗЕЛКА

Таа има благ вкус и децата поради тоа ја сакаат. Зелката може да го намали ризикот од појавување на рак, го подобрува варењето на храната и помага побрзо да се исфрлат штетните токсни од телото.