Monday, November 5, 2018

Брзи, вкусни и здрави пудинзи

Верувам секој од вас се соочува со недостаток на време и идеи за едноставен, вкусен и брз десерт. Тргнувајќи од себе, кога има денови во кои буквално се бориме со времето и работните обврски, семејството и подготовката на оброците, прошетките и игрите со децата, решивме да споделиме неколку едноставни рецепти кои се подготвуваат за неколку минути.
Главната состојка во рецептите кои ќе ги споделиме е чиа семе. 




Tuesday, October 23, 2018

Топли есенски напитоци

Есента е прекрасно годишно време. Боите кои сосебе ги носи се единствени и ненадминливи. Мирисот на дожд предизвикува носталгија за домот, а студот не бодри што побрзо да ги завршиме обврските и да си ги гушнеме блиските.
Неделните утра се исполнети со вкусот на печена тиква, штрудла од јаболки со многу цимет и задоволни, несмеани лица.
Но и покрај прекрасните плодови кои ги нуди, златните и бронзени нијанси низ парковите, есента ни носи и многу настинки, вируси, особено ако е топла.
А знаеме сите дека при првото растечено носе, веднаш подготвуваме топли оброци и напитоци.
Денес, ќе споделиме со вас, неколку наши, омилени рецепти, за слатки, топли и вкусни напитоци кои ќе ја задоволат желбата за слатко и ќе ги стоплат дечињата.

Thursday, September 27, 2018

Како до го подобриме имунитетот кај бебињата и децата?


Есента веќе пристигна, а темературите, несоодветни за овој период од годината, се прилично ниски. Најмалите се веќе во градинките, а и школската година е одамна е започната. Еден од најголемиот проблем на родителите токму овој период се настинките и вирусите. Затоа, во разговор со нутриционист Маја Велковска од Нутрика, ќе се потрудиме да ви ги дадеме потребните информации како да се избегнат досадните настинки или барем да се ублажат симтомите на најчестите вируси кои децата ги добиваат во градинките и школите.

Monday, September 10, 2018

Био Космос со нови стандарди за квалитет

Денес, слободно можеме да кажеме дека се повеќе родители внимаваат во исхраната на своите деца и органските и био производи се заменуваат со нездравите и брзи оброци, особено купечките.
Но освен што внимаваме на начинот на исхрана и подготовка на храната за семејството, треба да знаеме да одбереме и вистински намирници.

Био Космос на нашиот пазар постои повеќе од 10 години. Компанијата нуди повеќе од 500 производи како: органски, безглутенски и макробиотски производи, жита, тестенини, зимници, супер храни, брашна и постојано се воведуваат на пазарот нови иновативни производи. Сите органски производи се произведени според HACCP и ISO стандарди за квалитет и се сертифицирани од овластена сертификациона куќа. 

Sunday, August 19, 2018

Растителните млека во исхраната на децата

Како мајка на четиригодишно дете кое е хрането по начела и принципи за здрава и избалансирана храна, откако започнав со дохрана имав куп прашања, дилеми и искушенија за тоа како треба или не треба да се храни моето бебе, а понатаму и дете.
На почетокот одговорите ги наоѓав самата, читајќи, прашувајќи ги поискусните мајки, ги отворив погледите кон различни пристапи на хранење на своето дете, експериментирав и учев по пат на обиди и грешки. Сега, денес, гледајќи наназад и пред сѐ гледајќи го своето дете, мислам дека успеав да создадам навики за здрава исхрана кај него, а со тоа успеав да внесам новини во семејната исхрана.

Wednesday, August 8, 2018

Поддршка на доењето: „ Од мајките кои дојат, за мајките кои ќе дојдат '' - Христина Ангелкоски

Приказната на Христина Ангелкоски


Приказната со второто бебе ми е емотивна и ќе дадам се од себе да ви го доловам она низ кое поминував.
За разлика од првата бременост во која имав високо ризична со одлепена плацента и лежев до 9ти месец, втората ми беше нормална без никаков проблем ( барем јас така мислев ), а редовните контроли беа уредни. Но, да не го враќам времето назад, тука не можеме ништо да смениме, само ќе си велам дека така требало да биде.
Одејќи накај дома од работа јас добив некои тупи менструални болки. Лежев дома мислејќи дека ќе помине, меѓутоа јас веќе сум се отворила. Се отворив 3см во 30та недела. Лежев на интензивна во ГАК само 10 дена, толку успеа да издржи бебето. Се породив природно и доста лесно, како и првиот пораѓај.

Поддршка на доењето: „ Од мајките кои дојат, за мајките кои ќе дојдат '' - Симона Арсовска

Приказната на Симона Арсовска

Ведран е бебе родено со тежина 1330 гр. во 28. недела од бременоста ( во седмиот месец ), заедно со своето братче Огнен, кој пак беше роден со тежина 1450 гр. Ведран помина два месеци во инкубатор, од кој месец и половина на машина заедно со своето братче Огнен, кое за жал остана во болница и на 4 месечна возраст не напушти. 

Во тој период додека бебињата не беа покрај мене се молзев за да одржам лактација, дисциплинирано на два до три часа, секој ден. Измолзеното млеко го замрзнував во посебни кесички и го чував за моментите кога ќе дојдат бебињата дома, во случај да ми треба. Бебето Ведран дојде дома кога наполни 2 месеци со тежина 1700 гр. Хранењето на почетокот беше преку измолзување на мое млеко и на тој начин го хранев, затоа што беше премал за да цица. Кога направи 2 кг. решив дека ќе продолжам да го хранам , но доејќи. Поминав низ тежок период и имаше моменти кога воопшто немав млеко, ниту сила од преживеаниот стрес, но бев упорна и не се откажував. 
Денес, Ведран има 7 месеци, тежи околу 7 кг. До пред само недела дена бевме на ексклузивно доење, а сега веќе започна со цврста храна и со вкусови. Напредокот е одличен. Доењето на недоносено бебе беше најдоброто нешто што можев да го направам за него. Мојата најголема желба беше да ги дојам заедно, држејќи ги во прегратки и двете бебиња заедно, но за жал не излегуваат работите онака како што очекуваме. 

Она што ме водеше беше помислата дека доењето е важен момент за да се поврзам со нив и да го надоместам времето додека беа со месеци во инкубатор без својата мајка. 
Сега Ведран е здраво и весело бебе, а моето срце исполнето заради тоа што како мајка, успеав да дадам придонес во неговото закрепнување и развој и да му помогнам во борбата за живот, која јуначки ја води и денес. 
Ова  е животна приказна со среќен и тажен крај, но исполнета со љубов. Благодарна сум за секој нов ден покрај Ведран и за секоја насмевка која тој ми ја дарува додека го припремам за доење. 
Благодарна сум и за другото бебенце и убовта кон него ќе трае секогаш, исто како и трагата во нашите срца за време на краткиот престој со нас. 
Ги охрабрувам мајките да дојат. Да веруваат во чуда. Моето чудо е тука покрај мене и го имам благодарејќи на мојата волја, желба и упорност да дојам.

Monday, August 6, 2018

Поддршка на доењето - Дали мајчиното млеко има доволно витамини и минерали за да ги задоволи потребите на бебето?


По повод светската недела на доењето поразговаравме со нутриционистката Маја Велковска во врска со мајчиното млеко и неговаиот состав. Сакавме да подетално да ни објасни дали мајчиното млеко ги има сите потребни минерали и витамини за да се задоволат потребите на бебето. Воедно сакавме и да ги решиме небулозите во врска со адаптираното млеко и и поглешната перцепција за истото како "супер храна".


Monday, May 28, 2018

М-р Ивана Хаџиванова, психолог, нов член на тимот соработници на ЗХЗД

Многу често слушаме, читаме па и самите се соочуваме со проблемот на нејадење или одбивање на одредена храна. Има многу причини за одбивањето храна, особено на почетокот на дохраната кога бебињата поминуваат низ забрзан развој и секојдневно менуваат навики, однесување, расположение. Промените на средината, здравствен проблем или психолошки, се само дел од причините за нејадење. 
Иако многумина ќе речат дека треба упорност, факт е дека мора да ја познаваме доволно добро детската психологија и да научиме како да постапиме во тие моменти.
За да добиеме вистински одговори, на наше задоволство, во тимот на стручни лица во нашата група Здрава храна, здрави деца! ни се приклучи и М-р Ивана Хаџиванова,психолог, гешталт психотерапевт.
Целта е преку статии поврзани со најчестите прашања околу оваа проблематика да ни даде совети како да се однесуваме како родители и како да го пребродиме тој период на одбивање и нејадење кај децата.


Friday, May 4, 2018

Предизвикот Зимска бајка беше прелесен за нашите членови

Оваа година зимата се почувствува многу лагодно и траеше речиси до минатиот месец, однесувајќи се ненаметливо и бајковито. Ние, зимските денови ги поминавме во смислување начин како да ги мотивираме нашите деца да одберат здрава и разновидна храна, ги употребивме сите вештини и идеи за да оброците бидат поинакви и привлечни и раскажувајќи приказни за храната ги мотивиравме малите нејадачи да внесат витамини плус. 






Monday, April 23, 2018

Наменски рецепти во апликацијата Бебе Готвач - рецепти за подобрување на хемоглобинот кај децата

Најчест проблем со кој се соочуваат родителите на мали бебиња е намален хемоглобин. Дилемата како да го покачат е голема. Дали да употребуваат сирупи или тоа може да го постигнат преку исхранта?

Со цел да помогнеме на корисниците на апликацијата Бебе Готвач, но и на нашите членови во групата, во соработка со нутриционистката Маја Велковска, од диет клуб Нутрика во следниот период ќе објавуваме наменски рецепти. Во првиот круг ќе објавиме рецепти за подобрување на хемоглобинот.