Долговерижните
полинезаситени масни киселини, а особено оние од фамилијата на омега-3 како што
е алфалиноленската, еикосапентанската и докосахексанската (ALA, EPA и DHA) имаат важна
биохемиска и физиолошка функција во човековиот метаболизам. Исто така DHA е основен нутриенти за
раст и развој на доенчињата и малите деца. Оваа масна киселина има клучна улога
во формирањето и функционирањето на централниот нервен систем и на ретината (во
очите) кај луѓето.
Омега 3 масните киселини
се важни за одржување на здрава функција на мозокот и на ретината, бидејќи DHA е структурен дел на ткивата во мозокот и во
ретината, а исто така ја потпомага и синтезата на неуротрансмитерите, кои се многу
важни за нормална мозочна функција.
За доенчињата најдобар извор на потребните есенцијални омега-3 масни киселини е мајчиното млеко, и поради тоа нагласивме дека е многу важно во текот на бременоста и доењето мајката да внесува доволни количини на омега-3 масни киселини преку својата исхрана, со почеста употреба на масна риба (бирајте вид на риба согласно препораките за избегување на риба која најлесно се контаминира со тешки метали), ленено семе, чиа семе, тиква и останати извори на омега-3 масни киселини.
По воведување на дохрана,
мајчиното млеко останува одличен извор на омега-3 масни киселини, а за тоа која
дохрана е добар извор за омега 3 масни киселини ќе дознаете од рецептите што
може да ги најдете во апликацијата Бебе Готвач. Барајте рецепти со ознаката за Omega-3
За жал сеуште нема
официјални, стандардни препораки за тоа колку омега-3 масни киселини треба да
внесуваат луѓето, но бројката која е дадена од некои организации се движи во
рангот од 50 до 100мг комбинација од EPA и DHA, на ден за здрави доенчиња и мали деца. Кога
станува збор за вкупен внес на омега-3 масни киселини, количината изнесува
околу 700мг на ден за деца на една година, и се зголемува на 900мг после 4тата
година, но сепак повторно да нагласиме дека официјални препорачани дневни
количини не постојат.
Исто така да потенцираме
и дека ако дадена количина на омега-3 масни киселини е од исклучителна важност
за здравјето на децата, не значи дека огромна количина од истите масни киселини
ќе биде повеќе од одлична за здравјето на вашите деца, па поради тоа доколку
употребувате суплементи-бидете внимателни и не употребувајте мега-дози, бидејќи
повеќето од минералите/витамините/останатите нутриенти имаат и максимална доза
која може да се употребува и над која се јавува токсичност и останати несакани
ефекти.
Намирници богати со Омега
3
- Авокадо
- Банана
- Јаболко
- Тиква
- Тиквичка
- Карфиол
- Брокула
- Компир
- Киноа
- Просо
- Риба – најмногу омега 3 содржат скуша, лосос и пастрмка
- Жолчка
- Ленено семе
- Ореви
- Чиа семе
- Маслиновото масло мое да се додава во почеќе комбинации бидејќи тоа претставува екстра извор Омега 3
Пример на комбинации за 6
+ месеци
Банана и авокадо
Просо и јаболко
Компир со тиквичка и
маслиново масло
Брокула со киноа и
маслиново масло
Карфиол со палента и
маслиново масло
Пример на комбинации за 9+ месеци
Киноа со авокадо, жолчка
и маслиново масло
Брокула, жолчка и просо и
маслиново масло
Пример на комбинации за 10+ месеци
Риба со брокула, карфиол и
и маслиново масло
Пример на комбинации за 12+ месеци
Просо, јаболко, банана,
ореви и ленено семе
Пудинг од чиа со ореви,
ленено семе, авокадо и банана
Печена тиква со мед и
ореви
Голема благодарност до нутриционистката Маја Велковска, за текстот, советите и насоките.
Сите права на соджината вклучувајќи ги авторските права се задржани од Здрава храна, здрави деца и Бебе Готвач. Со самото пристапување на овој блог се согласувате дека содржината ќе ја користите само за лични и некомерцијални потреби. Не е дозволено копирање, дистрибуција, продавање, јавно прикажување и адаптирање било која содржина доколку не е регулирана со претходен договор на Здрава храна, здрави деца и Бебе Готвач.
Без дозвола може да се превземе текст само доколку е поставен линк од оргиналната содржина.
No comments:
Post a Comment