Што да консумирате како превенција од зарази и и епидемија!

Во овој пост ќе ви посочиме два продукти кои може да ги користите како превенција и заштита од болестите кои сосебе ги носи овој период, а најмногу заради епидемијата од морбили која верувам сите ги загрижува. Лесно се достапни и можете да ги најдете по нашите пазари.

Мајчина душичка

Во време на епидемија се препорачува секојдневна употреба на чај од мајчина душица, затоа што таа има својство да го спречи создавањето на многу патогени инфекции, а некои дури и ги уништува. Но, исто така многу важно како се подготвува овој чај:
Ставете една супена лажица мајчина душица, потопете ја во 200 гр врела вода, поклопете го садот (никогаш не го варете чајот во отвптен сад) и после половина час, исцедете ја течноста, засладете со мед и уживајте во вкусен топол напиток.

Трупка

Ова растение доаѓа од фамилијата зелки, како брокулата и прокељот. Постојат две врсти на трупка (ротквица): зимска црна и зимска бела трупка. Првата е лута, додека белата е слатка. Трупката се препорачува да се јаде кога ќе се појави некоја епидемија на заразни болести. Се консумира свежо изрендана бидејќи брзо ги губи лековитите дејства. Колку е црната трупка полута, толку е и поквалитетна. Во исхраната најмногу се користи за салата, а од неа може да се прави и сок, кој е богат со антиоксиданси. 
Сокот од црна трупка е богат со калиум, калциум, фосфор, железо и со витамини, а полесно се свари отколку овој зеленчук да се јаде свеж.Црната трупка, поради своето богатство на антиоксиданси, е одлична храна и природен лек против многу заболувања. Поради големото количество на витамини и минерали, таа го јакне имунитетот, го подобрува апетитот и ја чисти крвта. 

Таа е одличен природен детоксикатор на организмот.

Содржи: калиум, натриум, магнезиум, витамини, непросин, рафанол, сумпорен хетерозид од кој го добива лутината и мирисот.

Може да ја најдете на пазарите, особено овој период.